कुकुरहरुको सडक (कविता)
-लालु पौडेल | जव रात पर्दछ
भुस्याहा र घुस्याहा
छाडा र साँढा
खेदिएका र लखेटिएका
घाइते, व्याइते, ल्याइते
र काइते कुकुरहरुको
र काइते कुकुरहरुको
सडकमा जमधट हुन थाल्दछ
एकछिन् त तिनीहरु
क्वाईक्वाई र कुईकुई गर्दै
रन्थमाइलो गर्दछन्
तर दुईछिनपछि नै
आपद र बिपतमा परेर
सडकमा ओर्लेर हिँड्नेहरुलाई
काँच्चै खाँउला
र सिंगै निलुँला झैँ गर्दछन् ।
त्यसैले ए बटुवाहरु हो
किन तिमीहरु रातमा हिँड्छौ ?
याँहा सडक, बाटो र गल्लीहरुमा त
कुकुरहरुको साम्राज्य छ
लिखुरे, खुईले, रोगी र ढोँगी
भोका, रोगाह, शोकाहा र ढुकाहा
भुत्ले पाटे र जगल्टे कुकुरहरु पनि
सडकमा शेर बनेर निस्कन्छन,
अलकत्राहरुमा नंग्रे टाप बजार्दै
घुम्रिएको पुछर लतार्दै
खुईलिएको डडाल्नो उचाल्दै
खुवै ठूलो भूकाई गर्दछन
अनि अल्लारे बल्लारे
सुस्ती र मस्तीसाथ गस्तीमा भएका
मनमस्त र मदमस्त
बटुवाहरुको पिँडुलामा
दाह्रा गाड्छन र
होस हबास उडाँउछन ।
हेर, यी काला अध्यारा सडकहरुमा
चोर फटाह र गुण्डा कुकुरहरुको
जगजगी छ
त्यसैले साबधान
ए बटुवाहरु हो
तिमीहरु रातमा हिँडदछौ भने
बिजयी सेनापतिलाई
अगाडी लगाऊ
तिमीहरुको खुट्टामा
दाह्रा गड्नु अगाडी नै
सुरक्षित पार्ने उज्यालोलाई पक्र
तिमी एक्लै भयौ भने त
तिम्रो गन्तव्य त्यही नै टुंगिनेछ
वीच सडकमा नै
ती छाडा कुकुरहरुले
तिमीहरुलाई आफ्नो
आहारा बनाउनेछन
यदि उम्किहाल्यौ भने पनि
तिनीहरुले तिमीहरुलाई
आफ्नै हुलमा सामेल गराउनेछन
त्यसैले अब ज्योतीलाई पक्र
त्यसैले अब येशुलाई पक्र
त्यसैले अब बचनलाई पक्र
त्यसैले अब येशुलाई पक्र
त्यसैले अब बचनलाई पक्र
तब तिमीहरु अन्धकार र मृत्युको
छाँया भएर हिँड्नुपर्नेछैन,..
तिम्रा पाउहरु
शान्ति र सुरक्षाको बाटोतिर हुनेछन
त्यसलै अब ज्योतीलाई पक्र
त्यसलै अब ज्योतीलाई पक्र
सैले अब येशुलाई पक्र
त्यसैले अब बचनलाई पक्र।
-५ कार्तिक, २०७३ ||
सैले अब येशुलाई पक्र
त्यसैले अब बचनलाई पक्र।
-५ कार्तिक, २०७३ ||
|| ७ जेठ, २०७३ मा, नेपाली हेडलाइन-२४ मा प्रथम पटक प्रकासित ||
0 comments
Write Down Your Responses